數學科導師
Newman Liu
The Hong Kong Polytechnic University (PolyU)
BBA (Hons) in Marketing
9年教學經驗，熟悉學校及公開試出題形式，從而教授多種獨到解題方法
學生成績有Lv1 升至 Lv4、亦有Lv5 升至 Lv5*/5**
因材施教，清楚知道不同程度的學生該如何提升，拔尖/補底均能做到
致力營造輕鬆愉快課堂，讓學生提升學習動力，短時間內成績得到大幅改善
Q｜
學習係咪一定要Chur?
A｜
其實又未必。
我認為學習嘅前題係要先有動力
如果每次當你要上xx科時 就會覺得好痛苦
咁樣可能代表你係呢一科上無成功感/老師教得麻麻/做嘅練習好苦悶 或者其他原因
導致一啲興趣都無 變相你嘅成績都會停滯不前
當然Chur有Chur嘅好處 啲野做多咗一定會有即時嘅提升
但如果本來興趣欠乏 再加大教學力道就只會適得其反
所以個人認為 要先解決問題根源
作為老師 應該幫助每位學生重拾學習動力
那怕係多咗一丁點嘅興趣 都可以令學生對呢一個科目有全新嘅認識
咁樣先係學習嘅第一步
Q｜
數學科應該點樣改善?
A｜
可以試吓跟住以下三點去做！
第一，好似以上所講 要先有對數學嘅學習動力。
呢樣所涉及嘅係整個學習環境
就要睇下你會想喺一個咩嘅環境學數 (Chur/輕鬆? & 學校/補習社?)
第二，有興趣學數學之後 要識得學習唔同嘅解題方法
你可以從網上、學校甚至補習社學到一啲做數嘅方式
但切記唔好只係背識「一種」
應該要係唔同人身上搵到一個啱自己 自己做落係順嘅方法
咁樣你做嘅時候 就會變得印像深刻
第三，除咗學習點樣做之外 你仲要知道自己將會錯啲咩
成日做數都會有careless mistake 代表你無注意自己錯過啲咩
你可以透過mark底落錯題簿去記住自己錯過嘅野
當自己再去做同一題嘅時候 你就會識得避開伏位
總結，所有嘅學習都要一步步去做，
要知道自己喺邊一個位停滯不前，
咁先可以有效解問題，成績先會大提升！
Stacie Yeung
The University of Hong Kong (HKU)
Bachelor of Engineering (Computer Science)
主修 - Computer Science
副修 - Science Entrepreneurship
6年補習經驗
Q｜
女子理科都可以好叻？
A｜
從小到大都係理科人的Stacie
中學選修：物理、ICT、M2
大學主修：計算機科學（CS）
無論係男仔定女仔，我相信任何人都可以好叻！
每個人嘅興趣同能力都有唔同，但我相信同性別係無關係
文科人定理科人，又或者係混合文理人～
最緊要可以按自己嘅步伐去自己嘅目標。
數學要5**，然後做工程師、做精算；
定係數學合格就好，然後做藝術家、文學家。
我都會支持你地❤️
Q｜
讀Computer Science？
點解揀咗教書，而唔係做IT？
A｜
大學實習後，發現每日對住電腦嘅Code，
見唔到人（個陣又WFH），
日復日嘅工作實在唔太適合自己。
另外我依相信努力讀書係為咗打開眼界，提升高度，
而唔係為咗做一份特定嘅工作。
因此我都十分鼓勵學生係學習過程中
了解自己、了解社會、了解世界，
學習會將知識轉為自己嘅思維及氣質，
融入係你之後嘅人生入面。
學多d野～絕對無壞！
而對於我自己而言，
教學工作，令我覺得更有成就感，
自己細細個嘅時候，係讀書上都花費咗唔少心機
最後都算做到小小學霸～
希望可以用自己小小經驗，
幫助每個人搵到適合自己嘅學習方法🤓
一直都相信因材施教嘅理念，
亦是我會選擇到致簡數學任教嘅原因！
Q｜
分享下特別的經歷？
A｜
到瑞士Exchange嘅經歷：
當時係日內瓦大學讀Econ，
順便去咗環遊歐洲XD（真正目的）
發現依個世界好大，機會都好多。
漸漸明白知識往往可以令我地有更多嘅選擇權，
令我地有更大把握去抓緊機會。
因而更加想幫助大家學好d！
即使現在迷茫都唔緊要🙌🏻
能夠提早做好準備，身懷絕技嘅話，
又點怕無用武之地呢😎